April 2025


கிறிஸ்துவுக்குள் அன்பான ஜெபப் பங்காளரே, 

'வழியில் நடந்துபோகிற சகல ஜனங்களே, இதைக்குறித்து உங்களுக்குக் கவலையில்லையா? (புல. 1:12)" என்று அங்கலாய்த்து, சபை செயல்படாதா? என்று எதிர்பார்த்து நிற்கும் இயேசு கிறிஸ்துவின் இனிய நாமத்தில் வாழ்த்துகள். சபை செயல்படத் துவங்கினால், திறக்கப்படும் கதவுகளுக்குக் கணக்கில்லையே!

யோசுவாவின் காலத்திலேயே சுதந்தரித்திருக்கவேண்டிய வாக்குத்தத்த பூமிக்குள்   'எருசலேம்" சுதந்தரிக்கப்படாமல் இருந்தது. ஏனெனில், யூதாவின் தலைவர்களின் 'அசதி" (யோசு. 18:3). இஸ்ரவேலின் கலப்பு வாழ்க்கை (யோசு. 23:15,16). விளைவு, எருசலேமிலே குடியிருந்த எபூசியரை யூதா துரத்திவிடக்கூடாமற்போயிற்று. ஆகையால், அது எபூசியரின் வசத்தில் இருந்தது (யோசு. 15:63). மெல்கிசேதேக் என்னும் இராஜாதான் அப்பகுதிக்கு முந்திய நாட்களில் இராஜா (ஆதி. 14:18-20).

ஆபிரகாம் தன் குமாரனை பலிகொடுக்க தேவனால் குறிக்கப்பட்ட மலையை அடக்கிய இந்த பகுதியை, இப்போது சத்துரு சுதந்தரித்துக்கொண்டிருந்தான் (ஆதி. 22:2,4). பின்னால் தாவீது தன்னுடைய தவறை உணர்ந்து (ஜனங்களை எண்ணிக்கை செய்தது) தேவ கோபத்தினை அமர்த்த [ஏற்கனவே 70000 (எழுபதாயிரம்) கொல்லப்பட்டு வீணாக மரித்துப்போனார்களே! (1 நாளா. 21:14)] பலிசெலுத்தினதும் இதே இடம்தான் (1 நாளா. 21:18). யோசுவா அதின் அதிபதியாயிருந்த அதோனிசேதேக்கின் கையிலிருந்து, சந்திரனையும் சூரியனையும் நிறுத்தி யுத்தம் செய்து பிடித்தது மட்டுமல்லாமல், அவனுடைய கழுத்தின் மேல் உடன் தலைவர்களை கால்களை வைத்து வெற்றியைச் சுகித்த பகுதி (யோசு. 10:1,12,24). ஆனால், இஸ்ரவேலின் 'அசதி" (இன்று சபை இருப்பது போலவே) அதை சத்துருவுக்கு விட்டுக்கொடுத்திருந்தது. கூடவே, அதின் குடிகள் தைரியமாக, குருடரும் சப்பாணிகளும் உங்களைத் தடுப்பார்கள் என்று ஏளனம் செய்யும் அளவுக்கு வளர்ந்திருந்தார்கள் (2 சாமு. 5:6). 

சவுலுக்கு இதனைக் குறித்து ஒரு கவலையுமில்லை. அவனுக்கு தேசத்தை சத்துருவின் கையிலிருந்து காப்பது பெரிதாகத் தோன்றவில்லை; மாறாக, தாவீதை அழிக்கவே தன் இராஜ்யபாரத்தின் அனைத்து காரியங்களை முடுக்கிவிட்டிருந்தான். இன்றைய சபைத் தலைவர்களும் இப்படித்தானே நடந்துகொள்ளுகிறார்கள். தன்னை பாதுகாக்க அனைத்தையும்  (Resources, people & time) செலவழித்துக்கொண்டிருக்கிறார்கள் (1 சாமு. 24:14). 

ஆனால், தாவீதோ, ஆபிரகாமையும், மெல்கிசேதேக்கையும் நினைவுகூர்ந்தவனாக, எந்த கேலிப்பேச்சுக்கும், சத்துருவுக்கும் பயப்படாமல், 'ஆனாலும் தாவீது சீயோன் கோட்டையைப் பிடித்தான்; அது தாவீதின் நகரமாயிற்று" (2 சாமு. 5:7). 

அதனைப் பிடிக்க தன் ஜனத்திற்கு முன் ஒரு யுத்த முறைமையையும்  (strategy), சவாலையும், வெகுமதியையும் வைக்கிறான் (2 சாமு. 5:8; 1 நாளா. 11:6).  தாவீதின் யுத்த முறைமை, சாலகத்தின் வழியாய் ஏறவேண்டும் என்பது (Gutter in KJV). தேவனை நேசிப்பவனுக்கு, சத்துருவை அடையாளம் கண்டுகொண்டவனுக்கு, சிறிய கதவு திறந்தாலும், அழுக்கிலும், நாற்றத்திலும் இறங்க நேரிட்டாலும் கவலையில்லையே! 

'எருசலேமின் அலங்கத்தைப் பார்

தெருக்களின் அலங்கோலத்தைப் பார்

நொறுங்கி ஜெபித்து விழுந்து அழுது

திரும்ப அலங்கத்தைக் கட்டிடவா"

என்ற பாடல்களின் வரிகளை என்னுடைய கூட்டங்களில் சகோ. ஒண்டே மோசசை பாடவைத்தது, இதுபோன்ற வைராக்கியமுள்ள வாலிபர்களைத் தட்டி எழுப்பத்தான். இன்றும் வாக்களிக்கப்பட்ட தேசம் சத்துருவின் கைகளில் மாட்டிக்கொண்டுள்ளது. இந்தியாவிலும் கையாலாகாதவர்கள் (குருடர், முடவர் போன்ற வக்கற்ற சக்திகள்) ஆக்கிரமித்து வைத்துள்ள ஜனங்களை மீட்க, யோவாபுகளும், உற்சாகப்படுத்தும் தாவீதுகளும் (தலைவர்கள்) வேண்டுமே. ஆனால், ஆவிக்குரிய தலைமைகளோ, சவுலைப் போன்று 'தன் பாதுகாப்பையே குறியாகக் கொண்டு செயல்படுகிறதே! ஐயோ! தேவனே எங்கள் தலைவர்கள் தாங்கள் செய்யவேண்டியதனைக் குறித்து அசதியாயிருக்கிறார்களே. எரே. 48:10-ல் சொல்லப்பட்டது போன்று, 'கர்த்தருடைய வேலையை அசதியாய்ச் செய்கிறவன் சபிக்கப்பட்டவன். இரத்தம் சிந்தாதபடிக்குத் தன் பட்டயத்தை அடக்கிக்கொள்ளுகிறவன் சபிக்கப்பட்டவன்". சாப ஊழியத்தினை நிறைவேற்றிக்கொண்டிருக்கிறார்களோ??

'இடது பக்கத்தில் நிற்பவர்கள் போல, சபிக்கப்பட்டவர்களே என்னை விட்டு பிசாசுக்காகவும் அவன் தூதர்களுக்காகவும் ஆயத்தம் பண்ணப்பட்டிருக்கிற நித்திய அக்கினிக்குப் போங்கள்" என்று சொல்லிவிடுவாரோ? (மத். 25:41) என்ற அச்சம் எப்போதுமே எனக்கு உண்டு. எரே. 23:1 எசே. 34:2  'மேய்ப்பருக்கு விரோதமாகத் தீர்க்கதரிசனம் உரை" என்று சொல்லிவிடுவாரோ? 

'கடைசி வார்த்தை" பழைய ஏற்பாட்டின் கடைசி புத்தகத்தின் முதுஏ என்ற மொழிபெயர்ப்பில்  ('Curse") சாப வார்த்தையோடே முடிகிறது. அந்த தீர்க்கதரிசன வார்த்தைகள் மேய்ப்பருக்கே எழுதப்பட்டது அல்லவா (மல். 2:1-8). வார்த்தையை விட்டு விலகின அவர்களின் குறையைச் சுட்டிக்காட்டி, பரிசுத்தக் குலைச்சலையும் சுட்டிக்காட்டி (மல். 2:14-16), சத்துவமற்ற பிரசங்கங்களைக் குறித்தும் (மல். 2:17), காணிக்கைப் பணத்தினை வஞ்சித்து, வேறு காரியத்திற்குச் செலவழித்து வீணடிக்கும் காரியத்திலும் (மல். 3:8,9), கர்த்தருக்கு முன்பாகத் துக்கித்து நடக்கிறதினால் என்ன பிரயோஜனமென்று ஜனத்தினை திசைதிருப்பும் போதகத்திலும் (உபவாச ஜெபம் தேவையில்லை, ஏன் நீ ஜெபிக்கவே வேண்டாம் என்றும் உபதேசங்கள்) இன்று சபையை நடத்துவோர் பெருகிவருகின்றனர். 

ஆயினும், 'தேவனுக்கு ஊழியஞ்செய்கிறவனுக்கும், அவருக்கு ஊழியஞ்செய்யாதவனுக்கும் இருக்கிற வித்தியாசத்தினை அவர் காண்பிக்கும் நாளிலே அப்படிப்பட்டவர்களை அடையாளம் காட்டிக்கொடுத்துவிடுவார் அல்லவா (மல். 3:17:18).

அமெரிக்க அதிபரின் சில சீர்திருத்த நடவடிக்கையினை (குறிப்பாக தவறான முறையில் தேசத்திற்கு வந்தவர்களைத் திரும்பி அவர்கள் தேசத்திற்கே அனுப்பும், அதுவும் அசிங்கப்படுத்தும் வண்ணம் சங்கிலிகளால் கட்டப்பட்டவர்களாய் அனுப்பும் செயல் போன்றவைகள், மற்ற நாட்டின் தலைவர்களையும் இயக்கிவிடுவதனைக் காணுங்கால் (U.K, Saudi Arabia போன்றவைகள்), அவர் ஜெபத்திற்கும், வேதபுத்தகத்திற்கும் திருப்பும் செயல்கள், 'பிதாக்களுடைய இருதயத்தைப் பிள்ளைகளிடத்திற்கும், பிள்ளைகளுடைய இருதயத்தை அவர்கள் பிதாக்களிடத்திற்கும் திருப்புவான்" என்ற எலியாவின் ஆவியின் பெலத்தில் செயல்படுத்தும் ஒரு மனிதனை தேவன் எழுப்பியுள்ளாரோ?? என்று யோசிக்கவைக்கிறது (மல். 4:5,6). 

கூடவே, அமெரிக்காவில் இனி இரண்டு ஜாதி (ஆண், பெண்) என்று முழங்கி  LGBTQ+- மூக்கை உடைத்ததும், அதற்கு சாதகமாகப் பேசிய போதகரின் உபதேசத்திற்கு எதிர்ப்பு தெரிவிக்கும் வண்ணம், சபைக் கட்டிடத்தை விட்டு வெளியேறும் காட்சியும், இராணுவத்தில் ஓரினச் சேர்க்கைக்காரர்களுக்கு இடமில்லை என்று சட்டத்தை இயற்றி, இராணுவத்தையும், செயலற்றுக் கிடக்கும் இலாக்காக்களுடைய அரசாங்கப் பணியாளர்களை வீட்டுக்கு அனுப்பிவைப்பதில் கவனம் செலுத்துவதையும் காணுங்கால், அதே காரியம் நம் நாட்டிலும் நடக்காதோ!! என்றே ஏங்கவைக்கிறது. யெகூவைப் போன்ற நடவடிக்கைகள் (தேசத்தின் சுத்திகரிப்பு) தீவிரமாக நடைபெறுகிறது. ஓர் எழுப்புதலுக்கு இது உதவிசெய்யும் அல்லவா. ஏனெனில், எந்த எழுப்புதலும் மனஸ்தாபப்பட்டு, மனந்திரும்பி, விட்டுவிட்டு ஜெபிப்பதிலேயே ஆரம்பிக்கிறது அல்லவா!

அமெரிக்காவில் மக்கள் (இளைஞர் உட்பட) ஆங்காங்கே திரளாகக் கூடி ஜெபிக்கும் காட்சி, எழுப்புதல் அந்த தேசத்தில் உண்டாக வாய்ப்புண்டு என்ற புத்துணர்ச்சியை நமக்குள் உண்டாக்குகிறது அல்லவா!

தேவ சேனை ஒன்று எழும்புகிறதே

உந்தன் சேவைக்கென்று கிளம்புகிறதே

என்று நான் எழுதின பாடலுக்கு மெருகு ஏற்றுகிறது. 

டிரம்ப் மிரட்டல்கள், காஸாவைக் குறித்தும், உக்கிரைனைக் குறித்தும், இந்தியப் பிரதமரை வாயடைக்கும் வழிகளையும் பார்க்கும்போது, நாடுகள் இனி எப்படி பிரதிநடவடிக்கை எடுக்கும்  (Reactionஎன்பது நாடுகளை மீண்டும் கலங்கப்பண்ணலாம். அமெரிக்காவை கிறிஸ்தவ தேசமாகவே மற்ற நாடுகள் பார்க்கவேண்டும். முற்பிதாக்கள் போட்ட அஸ்திபாரமாகிய 'We Trust in Godஎன்ற வாசகமே எங்கும் முழங்கவேண்டும் என்ற விருப்பம் போன்ற அறிக்கைகள் தெய்வீகமானது; நிலைத்திருக்கவேண்டும் 'Back to the Bibleதான் இன்று இந்திய சபைகளுக்கும் தேவை. குப்பைகள் கூடிவிட்டன, குவிந்து நாற்றம் எடுக்கிறது; அகற்றாவிடில் ஆபத்து என்று கூவி அறிவிக்கவேண்டுமே. சபையின் சுத்திகரிப்புதான் தேசத்திற்கு ஷேமத்தைக் கொண்டுவருமென்பது மாறாத பிரமாணம். 

தேசத்தில் கற்பழிப்பு, அவலட்சணமான செயல்கள், சமூக வலைதளங்களில் (Social network) வெளியாகும் ஆபாசப் படைப்புகள், சிறுவர்களும் தங்களுடைய ஆசிரியர்களைக்கூட செக்ஸ் அடையாளமாகவே  (Sex symbolபார்க்க ஆரம்பித்துவிட்ட பொல்லாத காலம். விபத்து ஏற்பட்டால்கூட, சண்டை வந்துவிட்டால்கூட உடனே வீடியோ எடுக்கவேண்டும் என்ற உணர்வே  அநேகரைத் தட்டி எழுப்பிவிட்டிருக்கிறது. உதவிசெய்யத் தீவிரிக்கவேண்டிய கால்கள், கைகளால் செல்போன் தேடப்பட்டு படமாக்கி உடனடியாக வைரலாக்கிவிடத் துடிக்கும் இதயமே இன்றைய இளையதலைமுறையின் இலக்கு. 

கூடவே, போதைப் பொருட்களின் நடமாட்டம். பள்ளிச் சிறுவர்களையும் சீரழிக்க, அதில் கடத்தல் தொழில் ஓகோவென்று நடக்கிறதல்லவா!  445.9 per 1,00,000 ஒருவர் கிரிமினல் கேஸில் மாட்டிக்கொள்கிறார் என்பது, இது பதிவுசெய்யப்பட்டவை மாத்திரமே! 

பெண்பிள்ளைகள் பாதுகாக்கப்பட பெரும் முயற்சிகள் மேற்கொள்ளப்படுகிறது. பள்ளிகள், தெருக்கள், அலுவலகங்கள், பொது இடங்கள் அனைத்திலும்  CCTV  கேமிராக்கள் வைக்கவேண்டிய கட்டாயம். 

பெண்களை மிகவும் போற்றுகிறோம் என்று சொல்லும் பிரதமர், மணிப்பூரில் கிறிஸ்தவப் பெண்களுக்கு நடைபெற்றதனைக் கண்டுகொள்ளவேயில்லை. பெண்களுக்கான இலவசம் கொஞ்சம் கொஞ்சமாகக்கூடிவருகிறது. இலவச பஸ் பயணம் போன்றவை தவறாகவே உபயோகத்தில் உள்ளது! தவறுகளைத் தண்டித்தால் மட்டும் போதுமா! அவைகளின் பிறப்பிடம்வரை அதின் கருவை அறுத்திடவிடாமல் சத்துரு கவனமாயிருக்கிறான். 

ஊடகங்கள், 'எரியும் நெருப்பில் எண்ணெய் ஊற்றுவதற்கேதுவானதாகவே" காரியங்களைச் செய்துவருகிறது. மனிதனை மிருகமாக மாற்றும் கலை அதற்கு கைவந்தது. அறிவின் கனியைச் சாப்பிடச் சொல்லி ஏவாளை ஏவின சாத்தான், இன்றும் வரும் தலைமுறையை, வேகமாக தேவனையும் பெற்றோரையும் விட்டுப் பிரித்துவிடுவதற்குப் போதுமான வல்லமை பெற்றவன். 

'பாதாளக் குழியைத் திறந்தான் பெருஞ்சூளையிலிருந்து புகை எழும்பிற்று... அந்தப் புகையிலிருந்து புறப்பட்ட வெட்டுக்கிளிகள்" தேவனுடைய முத்திரையைத் தரித்திராத மனுஷரை மாத்திரம் சேதப்படுத்த அவைகளுக்கு உத்தரவு கொடுக்கப்பட்டது... அவைகள் செய்யும் வேதனை தேளானது மனுஷரைக் கொட்டும்போதும் உண்டாகும் வேதனையைப் போலிருக்கும்" (வெளி. 9:4,5); அது இதுதானோ! 

'பொருளாசை என்னும் அரக்கனும்

பொலிவுடனே மனதினை ஆள்கின்றதே

பொல்லாப்புச் செய்யும் கைகளும்

பொய் தீர்க்கதரிசனமும் பெருகிடுதே"

கள்ளரின் உபதேசப் புரட்டலும்

கர்த்தரின் வார்த்தையை மிதிக்கிறதே

கல்வாரி நாயகனின் கதறுதலும்

கவனிப்பாரற்றுப் போகிறதே

என்று நான் 2000 ஆண்டுகள் முடிந்து புதிய ஆயிர ஆண்டுகள் ஆரம்பித்ததில் எழுதின பாடல் இது. 25 ஆண்டுகள் ஆகிவிட்டது, 'சபைகள் இதனை அறிய மறுக்கிறதே". என்றைக்கு இந்த தூங்கும் சபை, உணர்வற்ற சபை தன்னுடைய கடமையை உணர்ந்து செயல்படத் தொடங்கும்?. 

   போர்க்குதிரையினைக் குறித்துப் பேசும் கர்த்தர், 

'அதின் தொண்டையில் குமுறலை வைத்தாரே. ஒரு வெட்டுக்கிளியை மிரட்டுவதுபோல மிரட்டக்கூடாதே. அதின் நாசியின் செருக்கு பயங்கரமாயிருக்குமே. அது தரையிலே தாளடித்து, தன் பலத்தில் களித்து, ஆயுதங்களைத் தரித்தவருக்கு எதிராகப் புறப்படும். அது கலங்காமலும், பட்டயத்துக்குப் பின்வாங்காமலுமிருந்து, பயப்படுதலை அலட்சியம்பண்ணுமே! அம்பறாத்தூணியும், மின்னுகிற ஈட்டியும், கேடகமும் அதின் மேல் கலகலக்கும்போது, கர்வமும் மூர்க்கமுங் கொண்டு தரையை விழுங்கிவிடுகிறதுபோல் அநுமானித்து, எக்காளத்தின் தொனிக்கு அஞ்சாமல் பாயும்.

எக்காளம் தொனிக்கும்போது, அது நிகியென்று கனைக்கும். யுத்தத்தையும், படைத் தலைவரின் ஆர்ப்பரிப்பையும் தூரத்திலிருந்து மோப்பம் பிடிக்கும்" (யோபு 39:19-25).

என்றைக்கு சபை யுத்த குதிரையைப் போல யுத்தத்தின் எதிரியையும் ஆர்ப்பரிப்பையும் தூரத்திலிருந்து மோப்பம் பிடித்து தன்னுடையவர்களை ஆயத்தப்படுத்தும்???

நம்முடைய யுத்தம் மாம்சத்தோடும் இரத்தத்தோடும் அல்லவே... வானமண்டலங்களிலுள்ள பொல்லாத ஆவிகளின் சேனைகளோடும் உண்டே!! (எபே. 6:12)

தன்னுடைய சபையார், 'தீங்கு நாளிலே அவைகளை எதிர்க்கவும், சகலத்தையும் செய்து முடித்தவர்களாய் நிற்கவும் திராணியுள்ளவர்களாகும்படிக்கு" எப்படி பயிற்சி தரப்போகிறார்கள். 

'சிறு குழந்தையை தொட்டிலில் போட்டு ஆட்டுவதுபோல் ஆட்டி, ஆட்டி தூங்கப்பண்ணுவீர்கள்" பாஸ்டர்களே, சுவிசேஷகர்களே, பாடகர்களே, தீர்க்கதரிசிகளே, அப்போஸ்தலர்களே, போதகர்களே!!!

பவுல் மரிக்கப்போகும் தருவாயிலும், தன்னுடைய ஆவிக்குரிய மகனை, 'நீ என்னிடத்தில் கேட்டவைகளை மற்றவர்களுக்குப் போதிக்கத்தக்க உண்மையுள்ள மனுஷர்களிடத்தில் ஒப்புவி. நீயும் இயேசு கிறிஸ்துவுக்கு நல்ல போர்ச்சேவகனாய்த் தீங்கனுபவி என்றும் (2 தீமோ. 2:3,4), 'நீயோ எல்லாவற்றிலும் மனத்தெளிவுள்ளவனாயிரு, தீங்கனுபவி" (2 தீமோ. 4:5,6) என்றும் உற்சாகப்படுத்துகிறார். 

என் உடன் ஊழியனும், பிரியமான சகோதரனும் ஆகிய சகோ. சுரேஷ் எழுதி வெளியிட ஆயத்தப்பட்டுக்கொண்டிருக்கும் பாடலோடு முடிக்கிறேன். அவை அர்த்த செரிவுள்ளவை. நம்மை முழங்காலில் தள்ள வல்லவை!

       எழுப்புதல் நாதரின் ஏக்கம்

எழும்பி நீ ஜொலிப்பதே நோக்கம்

உனக்குள் உருவாகும் மாற்றம்

உலகில் உருவாக்கும் தாக்கம் (சபையில், தேசத்தில்)


அர்ப்பணம் அனைத்தும் அகன்றதேன்

அவர் அன்பு உனக்குள் குறைந்ததேன்

ஆவியின் அனலும் அவிந்ததேன்

அபிஷேகமும் உன் வாழ்வில் மறைந்ததேன்


பரலோக மன்னா கசந்ததேன்

பலவித பெலவீனம் வந்ததேன்

பரமனின் பாதம் வெறுத்ததேன்

பரலோக சிந்தை மறந்ததேன்


இரகசிய பாவம் சூழ்ந்ததேன்

இவ்வுலக மோகம் கவர்ந்ததேன்

இருதயம் இருளால் நிறைந்ததேன்

இயேசுவின் சிநேகம் மறைந்ததேன்


திரும்பவும் கட்டிடும் தெய்வமே

தேடிடும் அன்பு நேசரே

தருவாயா திரும்பவும் உன்னையே

தயவாய் தமக்கென்று ஆள்வாரே


அன்பரைப் போல ஜெயம் பெற்ற யுத்தம் செய்யவும்

அவரோடு ஆளும் நாளை வாஞ்சிப்போம்

அதுவே நம் சபைக்குச் செய்தியாகட்டும்

ஆவியானவரின் துணையால் அவருடன் சிங்காசனம் அமருவோம்

                                                       (வெளி. 3:21)



                                                                     அன்பரின் அறுவடைப் பணியில்

                                                                     அன்பு சகோ. D. அகஸ்டின் ஜெபக்குமார்

----------------------------------------------------------------------------------------------

'மகாகும்பமேளாவின் நிகழ்வுகள்'

(பத்திரிக்கைச் செய்திகள்)

----------------------------------------------------------------------------------------------


  1. 65 கோடி மக்கள் குளித்தார்கள் என்ற மாயையான எண்ணிக்கை. அதாவது, 2-ல் 1 இந்தியர் இதில் பங்கேற்றார் என்பது அபத்தம். 
  2. சாது என்று சொல்லும் சிலர், நடுரோட்டில் (கும்பமேளா மைதானத்தில்) கடந்து போகிற எல்லாரையும் சவுக்கால் அடிக்கிறார்கள்| அந்த அடி ஆசீர்வாதமானதாம்.
  3. 'நிர்வாணச் சாமியார்கள்" நடப்பதனைக் கும்பிட்டு வணங்குதல். 
  4. எப்படியாவது 'சங்கமத்தில்" சேர்ந்துவிடவேண்டும் என்று எண்ணி, பீகாரில் A/c கோச்களில் ஜன்னலை அடித்து நொறுக்கி, ஜனங்களை கெட்டவார்த்தை சொல்லித் திட்டி, பாவநிவர்த்திக்காகப் பயணிக்கிறேன் என்று சொல்லும் கூட்டம். 
  5. வாலிபன் ஒருவன், தன்னுடைய காதலியுடன் (அவளின் அம்மாவிடம் அனுமதி பெற்ற பின்னர்)  சங்கமம் செல்கிறான். வரும் வழியில் இருவருக்கும் ஏற்பட்ட தகறாறில், அவளுடைய துப்பட்டாவினால் கழுத்தை நெருக்கிக் கொன்று, பின்னர் அவளுடைய தலையை வெட்டி காட்டில் எறிந்துவிட்டு, சங்கமத்தில் குளித்து 'பாவம் போக்கிக்கொண்டான்" என்கிற செய்தி. 
  6. தம்பதி ஒன்று பாவம் போக்கப் புறப்பட்டுப் போகும் வழியில், மனைவியைக் கொன்று ஆற்றில் வீசிவிட்டு, திரும்ப ஊர் திரும்பி, மனைவி கூட்டத்தில் காணாமல்போய்விட்டதாகக் கூறி மற்றவரை ஏமாற்றியது. 
  7. மிதியுண்டு செத்தோரின் எண்ணிக்கை கிட்டத்தட்ட 100 இருக்க (கண்ணால் கண்டவர்களின் அறிக்கை), 30  பேர் என்று அரசாங்கமே கூறி மறைத்தது. கலவரமாக மாறாமலிருக்க என்று உ.பி முதல்வரே சொல்கிறார். 
  8. டெல்லி இரயில்வே ஸ்டேஷனில் மிதியுண்டு இறந்தவர் எண்ணிக்கை 18 பேர் (குழந்தைகள் உட்பட). 
  9. பிரயாணத்தில் ஏற்பட்ட விபத்துகளிலும் இறந்தவர் எண்ணிக்கை ஏராளம். 
  10. கஞ்சா போன்ற போதை பொருட்களைத் தாராளமாக உபயோகிக்கும் சாதுக்களின் கண்காட்சிகள். 
  11. இது 'கண்மூடித்தன பக்தி" என்று ஒரு கூடாரத்தின் வாசலில் எழுதி தொங்கவிட்டவர், நன்றாக அடிக்கப்பட்டார் இந்த 'பரமாத்துமாக்களினால்". 
  12. வரும் வழியில் 'வேப்பங் குச்சிகளைக்" கட்டி ஒருவன் விற்றுக்கொண்டிருக்கிறான். ஒரு 'Bundle" எவ்வளவு என்று காரில் வந்த ஒருவர் கேட்க, அவன் அது Rs.. 10000 என்கிறான் (ஏன் 1 லிட்டர் தண்ணீர் பாட்டில் Rs. 50 - Rs.. 100 வரை விற்கப்பட்டதே). அதனை வாங்கி தன் காரில் வைத்துக்கொண்டுபோய், சின்னக் குச்சிகளாக வெட்டி, ஒன்று Rs.. 10 என்று விற்க, அவருக்குக் கிடைத்தது Rs. 1 லட்சம். என்னே! இலாபம்!! புத்திசாலிதானே. 
  13. மஹராஷ்டிராவில் ஒரு கம்பெனி, 'உங்கள் புகைப்படத்தினைத் தாருங்கள், நாங்கள் அதனை கங்கையில் முழுக்கித் தருகிறோம்; ஏன் அங்கே போய் அவஸ்தைப்படவேண்டும் என்று விளம்பரப்படுத்தி, அதனை செய்துதருவதற்கு Rs.. 1100 கட்டணம் வைத்ததனை நம்பி, தங்களின் Photo அனுப்பிவித்து 'மோட்சம் செல்ல வழியைத் தேடினவர்களும்" உண்டு. 
  14. மற்றொருவன் Video Call-ல் படத்தினைப் பெற்று, தன் phone-ஐ கங்கையில் முக்கி எடுத்து, வரமுடியாதவர்களுக்காக மூழ்கி எழுந்தான். அதனை வேறொருவரால் வீடியோ எடுக்கவைத்து அதனை கட்டணம் செலுத்தியவர்களுக்கு அனுப்பிவைத்தனர். 
  15. ஒரு கலசத்தில் கங்கை நீரை சங்கமத்திலிருந்து எடுத்துக்கொண்டுபோய், சில பட்டணங்களில் இருக்கும் நீச்சல் குளத்தில் ஊற்றி, அதில் மூழ்கினால் 'முக்தி" என்று சொன்ன வியாபாரமும் நடந்தது. 
  16. பெண்கள் உடைமாற்றும் அறையில் திருட்டுத்தனமாக சாமியார் படம் எடுக்க முயன்றார்; அதனால், கைதுசெய்யப்பட்டார். 
  17. சேற்றிலேயே உருண்டு புரண்டு கங்கையைத் தொட்டவர்களும் உண்டு. 
  18. அதில் ஓடும் சாக்கடைத் தண்ணீரில் முக்கி ஒருவர் முள்ளங்கி சாப்பிடுகிறார். 
  19. இந்த விழாவினால் கங்கை நதியில் குளிப்பதற்கு தண்ணீர் தகுதியற்றதாகிறது என்று ஆய்வுக்கூட அறிக்கை (10 மடங்கு). 
  20. இதில் கலந்துகொண்டுவந்த அநேகர் தோல் வியாதியோடு GEMS ஆஸ்பத்திரிக்கு சிகிச்சை பெற வந்தார்கள். 
  21. இந்தியாவின் ஜனாதிபதி, பிரதமர், உள்துறை அமைச்சர், அம்பானியின் குடும்பம், அநேக சினிமா நட்சத்திரங்கள் என மேலிருப்பவர்களும், குஷ்டரோகிகளும் சேர்ந்தே இதில் மூழ்கி எழுந்தனர். 
  22. பிறப்புச் சக்கரத்திலிருந்து விடுதலை வேண்டும் என்றுதானே வந்தார்கள். ஆனால், அடுத்த ஜென்மமாவது நன்றாக அமையவேண்டும் என்றே பலர் பிராத்தனை செய்தனர். 
  23. இந்த விழாவினை, 'லல்லு பிரசாத்" இது வீணானது (Faltu) என்றார். மம்தா பானர்ஜியோ 'மரண மேளா" என்றார். கூடவே 144 வருடத்திற்கு ஒருமுறை என்று கூறுவது 'தவறு" என்றார். அகிலேஷ் யாதவும் இதனை 'ராவணன்" வேடம் உ.பி முதல்வர் அணிந்திருக்கிறார் என்றார். 
  24. அரசாங்கங்கள் அநேக 'கள்ள" விளம்பரங்களையும், தகவல்களையும் தந்து மக்களை வஞ்சிக்கிறது. ஒன்றிய அரசும், உ.பி அரசும் இணைந்து செய்யும் இந்தத் திட்டம், இந்துக்களின் உணர்வைத் தூண்டிவிட்டு, மற்றவர்களுக்கு அவர்களைச் சத்துருவாக்கி, அதிக ஓட்டுகளைப் பெற்று ஆட்சியில் அசையாமல்  அமர்ந்து இந்த தேசத்தின் அரசியல் சட்டத்தினை மாற்றி, ரஷ்யாவையோ அல்லது சீனாவைப் போல மாறிவிடவேண்டும் என்பதே (ஒரு கட்சி, ஒரு நாடு, ஒரு மொழி, ஒரு தேர்தல் என்பவை போன்றவை).
  25. கும்பமேளாவில் உ.பி-யின் பொருளாதாரம் உயர்ந்தது (அது மக்களிடம் உறிந்து எடுத்ததினால் உண்டானது). அதன் மயக்கம் உ.பி. முதல்வரை, தொடர்ந்து 5 இடங்களில் அப்படிப்பட்டக் காரியத்தினை நடப்பித்து, தன்னை இந்த நாட்டுக்குத் தேவையான பிரதமராக மாற்றப் போதுமான 'இந்துத்துவத்தின்" கொள்கையைக் கொண்டு முன்னேற முயன்றுவர வைத்திருக்கிறது. 
  26. 170 படகுகள் மூலம் நாளொன்றுக்கு ஒரு படகுக்கு                            RS. 50,000 - Rs.52,000 வரை சம்பாத்தியம் கிடைத்தது என்று பெருமைப்பட்டுக்கொண்டார் உ.பி முதல்வர். 
  27. மகா கும்பமேளா காரணமாக, கடன்களை விநியோகிக்கக்கூட வங்கிகளிடம் போதுமானப் பணம் இல்லை (SBI அறிக்கை).


அன்று எருசலேமின் நிலையைக் கேட்ட 

நெகேமியாவை, அழுது, உபவாசித்து, 

தேவனை நோக்கி மன்றாடச் செய்தது. 

இன்றும் செய்தியைக் கேட்கும் 

நாம் என்ன செய்கிறோம்...???









March 2025

கிறிஸ்துவுக்குள் அன்பான ஜெபப் பங்காளரே,


நான் தேசத்தை அழிக்காதபடிக்குத் திறப்பிலே நிற்கவும், சுவரை அடைக்கவுந்தக்கதாக ஒரு மனுஷனைத் தேடினேன் (எசே. 22:30) என்று ஏங்கும் தேவனுடைய நாமத்தில் வாழ்த்துகள். தம்மைப் பற்றி உத்தம இருதயத்தோடிருக்கிறவர்களுக்குத் தம்முடைய வல்லமையை விளங்கப்பண்ணும்படி, அவருடைய கண்கள் பூமியெங்கும் உலாவிக்கொண்டிருக்கிறதே (2 நாளா. 16:9). அவர் நம்மையும் கணக்கில் சேர்த்துக்கொள்ளத்தக்க இடத்தில் தேவன் நம் ஒவ்வொருவரையும் நிறுத்துவாராக! 


'பாவம் பெருகுதே பாரும் பரன் இயேசுவே

அழியும் மனுக்குலம் அதையும் இரட்சிப்பீரே


ஆத்தும இரட்சிப்பிழந்தவர் ஆயிரம் ஆயிரமாய்

அன்றாடகம் இந்த மண்ணடியில் அழிந்து சாகின்றாரே'


என்று புலம்பினார்கள் பல ஆண்டுகளுக்கு முன்பு சகோதரி சாராள் நௌரோஜி. ஆனால், இன்றைக்கோ, ஆசீர்வாதப் பாடல்களும், அனுதின ஜீவியத்தில் ஆறுதல் பெற ஏவும்; பாடல்களும், அன்றாட வாழ்க்கையின் தேவைகளையே சுற்றி வலம் வரும் வார்த்தை ஜாலங்களும், இசை என்ற பெயரில் மனிதர்களை மயக்கத்தில் ஆழ்த்தும் பாடல்களும், இசையையே மையமாகக் கொண்டு தேவ ஜனங்களின் உணர்ச்சிகளைத் தட்டிவிடும் பாடல்களும் ஆவிக்குரிய உலகினைச் சீரழித்துவிட்டன. அவை ஜனத்தினை வேறு இயேசுவிடமும், வேறு சுவிசேஷத்திடமும், வேறு ஆவியின் கிரியைகளை வாஞ்சிக்கும் வாழ்க்கைக்கும் தள்ளிவிட்டுவிட்டது (2 கொரி. 11:3,4). 

இந்த ஆண்டினை பல பிரபலங்கள் 'ஆசீர்வாத மழை பொழியும்' என்றே ஜனத்தினை நம்பச் செய்ய முயற்சி எடுக்கிறார்கள். ஆனால், சுற்றிலும் நடக்கும் காரியங்களை உற்றுநோக்கினால், இவர்கள் கள்ளர்கள் என்பதும், சுய ஆதாயத்தினைக் கருத்தில் கொண்டே, தெரிந்தே இதனைச் செய்கிறார்களென்பதும், சுற்றி நடப்பவைகளைக் குறித்து உணர்வற்றவர்களாக இருக்கிறார்கள் (மத். 24:37-39) என்பதும் தெளிவு. சிலவற்றைப் பார்ப்போம். 


1. சுற்றிலும் நடப்பவை குழப்பமானவைகளே!


ஒன்றைக் குறித்து ஒருமித்த கருத்தோ, தெளிவான விடைகளோ, அரசியலிலும், ஆளுமையிலும் (புழஎநசயெnஉந), ஆன்மீகத்திலும், சபையிலும், சங்கத்திலும், நகரத்திலும், கிராமத்திலும், பொருளாதார உலகிலும், மருத்துவ உலகிலும், டெக்னிக்கல் உலகிலும் காணப்படவில்லை என்பது உள்ளங்கை நெல்லிக்கனி. 

ஆனால், 'உம்மை உறுதியாய்ப் பற்றிக் கொண்ட மனதையுடையவன் உம்மையே நம்பியிருக்கிறபடியால், நீர் அவனைப் பூரண சமாதானத்துடன் காத்துக்கொள்வீர்' (ஏசா. 26:3) என்பதுதான் ஏசாயா தீர்க்கனின் உறுதியான அறிக்கை. அதனைக் கூறி அறிவிக்க அழைக்கப்பட்டவர்கள், சிறியோர் முதல் பெரியோர் மட்டும், ஒவ்வொருவரும் பொருளாசைக்காரர், இதுவுமல்லாமல், தீர்க்கதரிசிகள் முதல் ஆசாரியர்கள் மட்டும் ஒவ்வொருவரும் பொய்யர். சமாதானமில்லாதிருந்தும், சமாதானம் சமாதானம் என்று சொல்லி என் ஜனத்தின் காயங்களை மேற்பூச்சாய்க் குணமாக்குகிறார்கள் (எரே. 6:14; 8:11; 8:15; 14:13; 23:17).

என் சமாதானத்தையும், கிருபையையும், இரக்கத்தையும் இந்த ஜனத்தைவிட்டு எடுத்துப்போட்டேன் என்று கர்த்தர் சொல்லுகிறார் (எரே. 16:5). எனவே, சமாதானத்தையும், கிருபையையும், இரக்கத்தையும், நரகத்திற்குத் தீவிரிக்கும் ஜனத்தின் மேல் பொழியவேண்டி தேவ ஜனத்தினைக் கதறவைக்கிற உண்மையான தீர்க்கதரிசிகளை தேவன் எழுப்புவாராக!  

கிருபையை தவறாகப் புரிந்துகொண்ட ஒரு பெருங்கூட்டப் பிரசங்கிகளும், பாடகர்களும், போதகர்களும், தீர்க்கதரிசிகளும், தரிசனக்காரர்களும், அகற்றப்படவோ அல்லது மனந்திரும்பவோ கட்டாயப்படுத்திக் கடிந்துகொண்டு புத்திசொல்லும் மூத்த ஊழியர்கள் இன்று அதிகமான தேவை (2 தீமோ. 4:3-5; தீத்து 2:15; சங். 141:5; மீகா 3:8; நீதி. 27:5; நீதி. 1:23).


2. பக்திமார்க்கத்தாரின் குருட்டாட்டம்


இன்று இந்தியாவின் மூன்றில் ஒரு பங்கு மக்கள் (கிட்டத்தட்ட 45 கோடி மக்கள்), கங்கையும், யமுனாவும், சரஸ்வதி என்ற மர்ம நதியும் இணையும் அலகாபாத்தில், 144 வருடங்களுக்கு ஒருமுறை நடைபெறும் 'மகா கும்பு' என்ற விழாவில் மூழ்கினார்கள் என்பது செய்தியாய் மாத்திரம் இருந்துவிட்டதோ? அவர்களின் நோக்கங்கள் இரண்டு: 1) பாவங்கள் கழுவப்படவேண்டும் 2) பிறப்புச் சக்கரத்தில் இருந்து விடுதலை பெறவேண்டும். 

அநேகர் மிதிபட்டு நதியோரத்திலும், ரயில் நிலையங்களிலும், வழியில் ஏற்பட்ட வாகன விபத்துகளிலும் செத்து மடிந்தாலும், இந்த தாகத்தினைத் தடுக்கமுடியவில்லை. 

அவர்கள் தேடுகிற இந்த இரண்டினையும் நம்முடைய இரட்சகராகிய இயேசுவில் நாம் இலவசமாகப் பெற்றுக்கொள்ளலாமே (தீத்து 3:4-7; 1 கொரி. 6:8-11).  இது உரக்கக் கூறி தேசத்தின் மூலை முடுக்கெல்லாம் கேட்கப்பண்ணவேண்டியது, அதுவும் அவசரமாக நமது மேல் விழுந்த பெரும் கடமையல்லவோ (1 கொரி. 9:10).

இதற்காக ஜெபிக்கும் ஒரு சேனையை எழுப்பிடத் தவறவிட்டுவிட்டோமே! தேர்தல் காலத்தில் ஜெபித்த ஜெபத்தில், மூன்றில் ஒன்று (பிரதமர் திரு. மோடியும், உள்துறை அமைச்சர் திரு. அமித்ஷாவும், அம்பானியும், ஜனாதிபதி திருமதி திரவுபதி முர்முவும், சாதாரண மனிதனும் நிர்வாணச் சாமியார்களின் களியாட்டங்களின் மத்தியில் மூழ்கி எழுந்தனர். பீகாரிலும், உ.பியிலும் போக்குவரத்தில் ஏற்பட்டத் தொல்லைகளை 45 நாட்கள் நாங்கள் அனுபவித்தோம்) கூட ஏறெடுக்கப்படவில்லையே!

'வாலிபன் ஒருவன் தன் தோழியை அவளுடைய தாயின் அனுமதியோடு இதில் பங்குபெற தன்னுடைய மோட்டார் சைக்கிளில் கொண்டுவந்தான். வரும் வழியில் அவளின் துப்பட்டாவை வைத்து கழுத்தை இறுக்கிக் கொன்று, கழுத்தை வெட்டி காட்டில் எறிந்துவிட்டு, அந்த பாவம் போக கங்கையில் நீராடினான்' என்பது செய்தி. இவை நம்மை அசைக்காவிடில் நாம் இரட்சிக்கப்பட்டவர்கள்தானா என்பது கேள்விக்குறியாகிறது??? ஏதோ ஒரு மாயையைப் பின்பற்றி நம்மை இயேசு கிறிஸ்துவின் சீடர்கள் என்று சொல்லிக்கொள்வது வெட்கக்கேடு!!

'இவர்கள் பேசாதிருந்தால் கல்லுகளே கூப்பிடும் என்று உங்களுக்குச் சொல்லுகிறேன்...

நகரத்தைப்பார்த்து, அதற்காகக் கண்ணீர் விட்டழுது, உனக்குக் கிடைத்த இந்த நாளிலாகிலும் உன் சமாதானத்துக்கு ஏற்றவைகளை நீ அறிந்திருந்தாயானால் நலமாயிருக்கும், இப்n;பாழுதோ அவைகள் உன் கண்களுக்கு மறைவாயிருக்கிறது' (லூக். 19:40-42) என்றாரே இயேசு. 

மஹாராஷ்டிராவின் மந்திரி இன்னும் ஒருபடி மேலே போய், மக்களைப் பார்த்து, 'நீங்கள் மகா கும்பத்திற்குப் போய் கஷ்டப்படவேண்டிய அவசியமில்லை. உங்கள் புகைப்படத்தினைத் தாருங்கள் நாங்கள் அதனை கங்கையில் முழுக்கி உங்களுக்குத் தருகிறோம் என்றார்; எத்தனை அபத்தம்!!

       'கங்கை நதியினிலே மூழ்கிடும் மக்களைப் பார்

புண்ணிய ஷேத்திரங்களில் கும்பிடும் ஜனங்களைப் பார்

கவலைப்படுவார் யார்? கண்ணீர் சிந்துவார் யார்?

நம்மில் யார் யார் யாரோ?

திறப்பிலே யார் யார் யாரோ?'

என்று புலம்பினார் அண்ணன் பேட்ரிக் ஜோஷ்வா! 

       'பெலத்தின் மேல் பெலன் பெருகிடும் 

கிருபையின் மேல் கிருபை பெருகிடும்

ஜெபத்தினால் ஜெபத்தினால்

காத்திருந்து சுதந்தரிப்போம்' 

என்ற இரகசியத்தினையும் சொல்லிச் சென்றாரே. 


3. இந்தியப் பொருளாதாரம்

திருமதி நிர்மலா சீத்தாராமனின் பட்ஜெட்டோ, நம்முடைய இன்றைய ஒன்றிய அரசின் பொருளாதாரக் கொள்கையோ, பிரதமர் திரு. மோடி மாநில முதல்வர்களின் வெளிநாட்டுப் பயணங்கள் மூலம் இந்தியாவுக்குள் அநேக பணம் படைத்தோரைக் கொண்டுவரச் செய்கிறதோ, பகட்டாகக் கூறி அறிவிக்கப்பட்டாலும், விளம்பரம் அதனைக் குறித்துச் செய்யப்பட்டாலும், நடக்கும் ஊழலும், மாற்றோரின் கருத்துகளைப் புறக்கணிக்கும் ஆளுகை செய்வோராலும், நம் நாட்டில் ஏழைக்கும் வசதிபடைத்தோருக்கும் இடைவெளியைப் பெருக்கவே வேகமாக செய்துவருகிறது. கூடவே, திருட்டும், கொள்ளையும், அதனைத் தொடர்ந்த கொலைகளும்தானே பெருகியிருக்கிறது. தங்களுடைய பொய்யான வாக்குறுதிகள் மூலம், பேச்சுத்திறன் மூலம், விளம்பரத்தின் மூலம் ஜனத்தினை ஒருவித மயக்கத்தில் தள்ளிவிட்ட நம்முடைய தலைவர்கள் செய்த தீங்கு நம் நாட்டை குழிக்குள் தள்ளிவிட்டுவிட்டது. 5 Trillion டாலர் அளவுக்கு இந்தியாவின் பொருளாதாரத்தை உயர்த்திவிடுவோம் என்று அடிக்கடி பிரதமர் திரு. மோடியும் அவருடைய சகாக்களும் கூறி முழங்கிட்டாலும், 3 Trillion டாலர்தான் தற்போது நமது நிலை. உலகிற்கு இந்திய பொருளாதாரம் தருவது வெறும் 3.5%; ஆனால், 26% தரும் அமெரிக்காவும் 16% தரும் சைனாவும்தான் நமக்குப் போட்டி என்று கூறுவது அர்த்தமற்றது. தன்னை 'விஷ்வ குரு' என்று நினைத்து செயல்படும் இந்தியப் பிரதமர் 2047-ல் நாம் சைனாவை முந்திவிடுவோம் என்று சொல்வது வெறும் பகல் கனவு என்பதனை அறிந்தவர் யார்? 

'இந்தியா செழிக்கவேண்டும்' என்பது நம்முடைய ஜெபம்தான்; ஆனால், தேவனுக்குப் பயப்படக்கூடிய தலைவர்கள் இல்லையே. மாய வார்த்தைகளையே நம்முடைய ஆவிக்குரிய தலைவர்கள் பொய்யாய்க் கூறி, அலப்பி, ஜனத்திற்கு உண்மையைக் கூறத் தவறிவிட்டார்கள். 

'என் நாமம் தரிக்கப்பட்ட என் ஜனங்கள் தங்களைத் தாழ்த்தி, ஜெபம்பண்ணி, என் முகத்தைத் தேடி, தங்கள் பொல்லாத வழிகளைவிட்டுத் திரும்பினால், அப்பொழுது பரலோகத்திலிருக்கிற நான் கேட்டு, அவர்கள் பாவத்தை மன்னித்து, அவர்கள் தேசத்துக்கு ஷேமத்தைக் கொடுப்பேன்'  (2 நாளா. 7:14) என்பது மாறாத தேவ எதிர்பார்ப்பு அல்லவோ!

இந்த வசனத்தை அடிக்கடி உபயோகப்படுத்தும் பிரசங்கிகளும், அநேகந்தரம் கள்ளத் தீர்க்கர்களை அடையாளம் கண்டுகொண்டபோதிலும், தங்களின் செல்வாக்கை மாத்திரம் மனதில் வைத்து, அப்படிப்பட்டவர்களோடு கொஞ்சிக் குலாவி, மக்களை ஏமாற்றிவிடுகிறார்களே. கூடவே, அவர்களைப் புகழ்ந்து போற்றி மேடையை அலங்கரித்து பரிசுத்த ஸ்தலங்களைப் பாழாக்கிவிட்டனரே. 

ஜனங்களும், 'ஜனங்கள் கூடிவருகிற வழக்கத்தின்படி உன்னிடத்தில் வந்து, உனக்கு முன்பாக என் ஜனங்கள்போல் உட்கார்ந்து, உன் வார்த்தைகளைக் கேட்கிறார்கள்; ஆனாலும் அவர்கள் அவைகளின்படி செய்கிறதில்லை; அவர்கள் தங்கள் வாயினாலே இன்பமாய்ப் பேசுகிறார்கள், அவர்கள் இருதயமோ பொருளாசையைப் பின்பற்றிப் போகிறது. 

இதோ, நீ இனிய குரலும் கீதவாத்தியம் வாசிப்பதில் சாமர்த்தியமுமுடையவன் பாடும் இன்பமான பாட்டுக்குச் சமானமாயிருக்கிறாய்; அவர்கள் உன் வார்த்தைகளைக் கேட்கிறார்கள்; ஆனாலும் அவைகளின்படி செய்யாமற்போகிறார்கள் (எசே. 33:31,32) என்ற வசனத்திற்கு ஒத்தாற்போல்தான் இருக்கிறார்கள். எனவே, தேசத்தில் செழுமை என்பது காணக்கூடாததே. 

'FDI (Foreign direct investment) ஆயிரமாயிரமான கோடிகள் நாட்டிற்குள் கொண்டுவரப்பட்டும், 'நீங்கள் திரளாய் விதைத்தும் கொஞ்சமாய் அறுத்துக்கொண்டுவருகிறீர்கள்; நீங்கள் புசித்தும் திருப்தியாகவில்லை; குடித்தும் பரிபூரணமடையவில்லை; நீங்கள் வஸ்திரம் உடுத்தியும் ஒருவனுக்கும் குளிர்விடவில்லை; கூலியைச் சம்பாதிக்கிறவன் பொத்தலான பையிலே போடுகிறவனாய் அதைச் சம்பாதிக்கிறான்' (ஆகாய் 1:6). மாற்றுமருந்தாக 'உங்கள் வழிகளைச் சிந்தித்துப் பாருங்கள் என்று சேனைகளின் கர்த்தர் சொல்லுகிறார்' (ஆகாய் 1:7). 

'அதிகமாய் வருமென்று நீங்கள் எதிர்பார்த்திருந்தும், இதோ, கொஞ்சம் கிடைத்தது; நீங்கள் அறுத்து வீட்டுக்குக் கொண்டுவந்தும், நான் அதை ஊதிப்போடுகிறேன்' (ஆகாய் 1:9) என்றுதானே ஆண்டவர் கூறுகிறார். 

ஏழைக்கும் பணக்காரனுக்கும், மலைக்கும் மடுவுக்கும் உள்ள தூரம். 52% மக்கள் வறுமைக்கோட்டிற்குக் கீழே. 5% மக்கள் கையிலே இந்தியாவின் 40% சொத்து. மத்திய வர்க்கத்தின் வாழ்க்கைத் தரம் உயர ஏராளமான கடன்கள் வங்கிகள் மூலம் கொடுக்கப்பட்டு, அனைவரையும் கடனாளியாக்க, எடுக்கும் முயற்சிகளோடு, ஒவ்வொரு இந்தியன் தலையின் மேலும் 2.5 லட்சம் ரூபாய் கடன். பிறக்கும் குழந்தைக்கும் இது பொருந்தும். 

கடன் தள்ளுபடியோ பணம்படைத்தவர்களுக்கே! ஆனால், ஆவிக்குரிய மக்கள் என்று தன்னை அழைத்துக்கொள்ளுவோர் மத்தியில் திருமணத்திலும், விழாக்களிலும், உணவு விடுதிகளிலும் செலவு செய்யப்படும் பணம் அநேக நேரங்களில் கண்ணீரையே வரவழைக்கிறது. 

இந்திய பணமதிப்பு சரிந்துகொண்டேபோவதால், விலைவாசிகளைக் கட்டுப்படுத்த முடியாமல், வரிக்கு மேல் வரி விதித்து எளியவர்களை திக்குமுக்காடவே செய்துவருகிறது அரசாங்கம். 


4. Deportation from other countries (நாட்டை விட்டுத் துரத்தப்படுதல்)

உலகின் மாயையில் சிக்கிய ஜனம் மேலைநாடுகளுக்கு எப்படியாகிலும் சென்றுவிடவேண்டும் என்று துடிப்பதால் உண்டானதுதான், திருட்டுத்தனமாக அப்படிப்பட்ட நாடுகளில் குடியேற முயற்சித்தது. ஆனால், 1 கோடி வரை ஏஜென்ட்டுகளுக்கு பணம் கொடுத்தோர் கைகளிலும், இடுப்புகளிலும், கால்களிலும் விலங்கிடப்பட்டு, இராணுவ விமானத்தில் திருப்பி அனுப்பப்படும் காட்சி அதிர்ச்சியையும், கண்ணீரையுமே வரவழைக்கிறது. இருந்த பணத்தையும் இழந்தனர் (அநேகர் கடன் பெற்றே சென்றவர்கள்).  ஐயோ! என் ஜனமே!!

'அவர்களில் பிரபலமானவர்கள் தங்கள் சிறுவர்களைத் தண்ணீருக்கு அனுப்புகிறார்கள்; இவர்கள் பள்ளங்களுக்குப் போய்த் தண்ணீரைக் காணாமல் வெறும் பாத்திரங்களோடே திரும்பிவருகிறார்கள்; வெட்கி நாணி, தங்கள் தலையை மூடிக்கொள்ளுகிறார்கள்' (எரே. 14:3).

'கர்த்தரின் ஆசீர்வாதமே ஐசுவரியத்தைத் தரும்; அதனோடே அவர் வேதனையைக் கூட்டார்' (நீதி 10:22) என்பதனை தேசத்தின் மக்களுக்குச் சொல்வது யார்? 

கீழ்கண்ட பாடல் என் உதடுகளில் தொனித்தது (அதனை லுழரவுரடிந-ல் நீங்கள் கேட்கலாம்). எனவே, உணர்வோம் கடமைதனை; செயல்படுவோம்; மற்றவற்றை அடுத்த மடலில் எழுதுகிறேன். 


தேவை தேவை தேவை

தேசத்தில் மக்கள் தேவனை அறிந்திட

தேவை தேவை தேவை


உம்மோடு உறவாட உள்ளம் துடிக்குதையா!

உலகின் உறவைவிட மனமும் மறுக்குதையா!


1. கபமும் கற்பனையும் செய்யும் வேதனையும் 

கல்வாரியில் அனைத்தையும் சிலுவையில் அறைந்திடனும்

......... உம்மோடு 

2. நாட்டிலும் சபையிலும் நடக்கும் அசிங்கமெல்லாம்

கல்மனம் உடைக்கும் கல்வாரியால் அழிந்து தொலைந்திடுமே

......... உம்மோடு 

3. சுயத்தை சிலுவையில் அறைந்தோர் தேவை இன்று

சுற்றோரும் உற்றோரும் உலகமும் இயேசுவைக் கண்டிடணும்

......... உம்மோடு 

4. தேடிடும் உம் கண்கள் என் மேலே படுகிறதே

தேய்ந்த உம் கால்கள் என் உள்ளத்தை முழுதும் நொறுக்கிடுதே


உம்மோடு நடந்திட இதயம் துடிக்குதையா

உலகத்தின் இழுப்பும் தானாய் மறையுதையா

            அன்பரின் அறுவடைப் பணியில்

அன்பு சகோ. D. அகஸ்டின் ஜெபக்குமார்

===============================

FEBRUARY 2025

கிறிஸ்துவுக்குள் அன்பான ஜெபப் பங்காளரே,


பிரயோஜனமாயிருக்கிறதைப் போதித்து, நாம் நடக்கவேண்டிய வழிகளில் நம்மை நடத்துகிறவரும் (ஏசா. 48:17), தான் விரும்புகிற பாதையில் மாத்திரமே நம்மை வழிநடத்தி, தனக்கு விருப்பமில்லாத அனைத்தினின்றும் நம்மை விலகச் செய்கிறவரும், நேர்வழியாகவே ஒவ்வொரு நாளும் நம்மை நடத்திச் செல்லுகிறவரும் (ஆதி. 24:48), தடைகளைத் தாண்டிச் செல்ல பெலன் தருகிறவரும்  (மீகா. 2:13), நம்முடைய பாதங்கள் மாத்திரமல்ல, பார்வையும்கூடப் பிசகிவிடாதபடிக்கு நம்மைக் காத்துக்கொள்கிறவரும், கடுமையானதாகக் காலங்கள் கண்களுக்குக் காட்சியளித்தாலும், கரம் பிடித்து நம்மை நடத்துகிறவரும், சூழ்நிலைகள் தனது எல்லைக்குள் நம்மை சுருக்கி வைக்க முயற்சித்தாலும், எஞ்சியிருக்கும் வேலைகளை விரிவாக்கும் பணியில் ஆவியில் அவரோடு முன்னேறிச் செல்ல உதவிசெய்கிறவருமாகிய ஆண்டவராகிய இயேசு கிறிஸ்துவின் இனிய நாமத்தில் அன்பின் வாழ்த்துகள். 

பிரியமானவர்களே! இந்நாட்களில், சத்தியத்திற்காக முன்னேறிச் செல்லும் நாம், சத்துருவின் தந்திரங்களைப் பற்றிய அறிவுடையவர்களாகவும் காணப்படவேண்டுமே! ஏனெனில், தேவனுடைய ராஜ்யத்தின் எல்லைகள் விரிவாகிவிடாதபடிக்கு, ஒவ்வொரு நாளும் பல விதங்களில் தொல்லைகளைக் கொடுத்து, தேவ மனிதர்களின் வேலைகளைத் தடுத்து, பரலோகத்தின் பணிகளுக்கு பாதிப்பை உண்டாக்க விரும்புபவன் சத்துரு. பிற மனிதர்கள் மூலமாக மாத்திரமல்ல, உடனிருப்போருக்குள்ளும் ஊடுருவி அதனைச் சாதிக்கவும் செய்து முடிக்கவும் துடிப்பவன் அவன்| இதனை நாம் அறிந்துகொள்வது அவசியம். 

'சிறையிருப்பில் மீந்திருக்கிறவர்கள் அந்தத் தேசத்திலே மகா தீங்கையும் நிந்தையையும் அநுபவிக்கிறார்கள்| எருசலேமின் அலங்கம் இடிபட்டதும், அதின் வாசல்கள் அக்கினியால் சுட்டெரிக்கப்பட்டதுமாய்க் கிடக்கிறது' (நெகே. 1:3) என்ற செய்தியை  அரமனையிலிருந்த நெகேமியா யூதாவிலிருந்து வந்த சகோதரரிடத்திலும் மற்றும் சில மனுஷரிடத்திலும் விசாரித்து அறிந்தபோது, துக்கம் அவனது உள்ளத்தில் துளிர்விடத்தொடங்கியது (நெகே. 1:4). இத்தகைய 'துக்கமே நமது செயல்பாட்டிற்கான துவக்கம்.'  

என்றபோதிலும், நெகேமியா புறப்பட்டுச் சென்று, பணிகளைத் தொடங்கியபோது,  சன்பல்லாத் கோபித்து, எரிச்சலடைந்து, யூதரைச் சக்கந்தம்பண்ணி: அந்த அற்பமான யூதர் செய்கிறது என்ன, அவர்களுக்கு இடங்கொடுக்கப்படுமோ, பலியிடுவார்களோ, சுட்டெரித்துப் போடப்பட்டு மண்மேடுகளான கற்களுக்கு உயிர் கொடுப்பார்களோ (நெகே. 4:1,2) என்று இயலாததென அவர்களை ஏளனம் செய்கிறான்| அவ்வாறே, தொபியாவும், அவர்கள் கட்டினாலும் என்ன, ஒரு நரி ஏறிப்போனால் அவர்களுடைய கல்மதில் இடிந்துபோகும் (நெகே. 4:3) என்ற நகைப்புக்குரிய வார்த்தைகளால் கேலி பேசுகிறான். எருசலேமைக் கட்டுகிறோம் என்ற நற்செய்தியினால் இஸ்ரவேலரின் மனம் நிறைந்திருக்கும்போது, 'துர்ச்செய்தியினால்' தூற்றிப் பேசுகிறார்கள் சத்துருக்கள். எனினும், கட்டுகிறவர்களுக்கு மனமடிவுண்டாக்கும்படியான இவர்களது கேலிப் பேச்சுகள் வேலைகளிலிருந்து அவர்களை விலக்கிவிடவில்லையே! ஆம், 'தேவனுக்கடுத்த துக்கங்களை மனதில் சுமந்தால், சத்துருவின் சத்தங்களுக்குச் செவிசாய்க்காமல், அழைப்பிலே நாம் உறுதியாக நிற்க முடியும் என்பது நிச்சயம்.'    

இன்றும், தேவ மனிதர்களுக்கு விரோதமாகவும் மற்றும் ஊழியங்களுக்கு விரோதமாகவும் இத்தகைய வார்த்தைகளை உச்சரிக்கும் சத்துருக்களுக்குச் சாதகமான மனிதர்கள் உண்டு. இத்தகையோர், ஊழியங்களைக் கட்டுவதற்கு அல்ல, கலங்கடிப்பதற்கே தங்கள் கலைகளைப் பயன்படுத்துகிறார்கள்! இத்தகைய மனிதர்களிடத்திலும், துர்ச்செய்தியினை அனுப்புவதற்கான தனது தூதர்களாக இவர்களைப் பயன்படுத்தும் சத்துருவின் வலைகளிலும் நாம் சிக்கிக்கொள்ளக்கூடாதே!   

அவ்வாறே, 'நீ உன் தேசத்தையும், உன் இனத்தையும், உன் தகப்பனுடைய வீட்டையும் விட்டுப் புறப்பட்டு, நான் உனக்குக் காண்பிக்கும் தேசத்துக்குப் போ' (ஆதி. 12:1) என்று ஆபிரகாமை அழைத்தார் ஆண்டவர். அழைப்பினைத் தொடர்ந்த அவனது பயணத்தில், 'உன் சந்ததியார் தங்களுடையதல்லாத அந்நிய தேசத்திலே பரதேசிகளாயிருந்து, அத்தேசத்தாரைச் சேவிப்பார்கள் என்றும், அவர்களால் நானூறு வருஷம் உபத்திரவப்படுவார்கள் என்றும், நீ நிச்சயமாய் அறியக்கடவாய்' (ஆதி. 15:13) என்ற இடைவெளியினைத் தொடர்ந்து, 'அவர்களை எகிப்தியரின் கைக்கு விடுதலையாக்கவும், அவர்களை அந்தத் தேசத்திலிருந்து நீக்கி, கானானியரும் ஏத்தியரும் எமோரியரும் பெரிசியரும் ஏவியரும் எபூசியரும் இருக்கிற இடமாகிய பாலும் தேனும் ஓடுகிற நலமும் விசாலமுமான தேசத்தில் கொண்டுபோய்ச் சேர்க்கவும் இறங்கினேன்' (யாத். 3:8) என்று தனது செயல்பாட்டினை தேவன் தொடங்கியபோது, 

கானான் தேசத்தைச் சுற்றிப் பார்க்கும்படியாக அனுப்பப்பட்ட மனிதர்களுள் ஒருவனான காலேப், 'நாம் உடனே போய் அதைச் சுதந்தரித்துக்கொள்வோம்| நாம் அதை எளிதாய் ஜெயித்துக் கொள்ளலாம்' (எண். 13:30) என்ற நற்செய்தியினை அறிவிக்கின்றான். ஆனால், மறுபுறத்தில், அவனோடேகூடப் போய்வந்த மனிதரோ: 'நாம் போய் அந்த ஜனங்களோடே எதிர்க்க நம்மாலே கூடாது; அவர்கள் நம்மைப்பார்க்கிலும் பலவான்கள் என்றார்கள். அதுமாத்திரமல்ல, நாங்கள் போய்ச் சுற்றிப் பார்த்துவந்த அந்த தேசம் தன் குடிகளைப் பட்சிக்கிற தேசம்| நாங்கள் அதிலே கண்ட ஜனங்கள் எல்லாரும் மிகவும் பெரிய ஆட்கள். அங்கே இராட்சதப் பிறவியான ஏனாக்கின் குமாரராகிய இராட்சதரையும் கண்டோம்| நாங்கள் எங்கள் பார்வைக்கு வெட்டுக்கிளிகளைப்போல் இருந்தோம், அவர்கள் பார்வைக்கும் அப்படியே இருந்தோம்' என்று சொல்லி, இஸ்ரவேலர் எல்லாரும் கூக்குரலிட்டுப் புலம்புமளவிற்கும், இராமுழுதும் அழுமளவிற்கும் தாங்கள் சுற்றிப் பார்த்துவந்த தேசத்தைக்குறித்து  துர்ச்செய்தி  பரம்பச்செய்தார்கள் (எண்;. 13:31-33| 14:1). ஒன்றாகப் பயணித்தவர்கள்தான்| என்றபோதிலும், இவர்களது மாம்சீகப் பார்வை, இவர்களை துர்ச்செய்தியின் தூதர்களாக்கிவிட்டதே! இத்தகைய பார்வையுடையோரிடமிருந்து நம்மை பாதுகாத்துக்கொள்ளுவோம். 

பிரியமானவர்களே! தேவ ஜனங்களின் வெற்றியை எதிர்பார்த்து காத்துக்கொண்டிருக்கும் ஒரு கூட்டம் உலகத்தில் உண்டு என்பது உண்மையே| என்றபோதிலும், அவர்களது வீழ்ச்சியையும் மற்றும் தோல்வியையும் கூடவே எதிர்பார்த்து காத்துக்கொண்டிருக்கும் மற்றொரு கூட்டமும் மறைவாக உண்டு என்பதையும் நாம் மறந்துவிடக்கூடாது. ராஜாவாகிய யெரொபெயாம் தூபங்காட்ட பலிபீடத்தண்டையிலே நிற்கையில், கர்த்தருடைய வார்த்தையை அறிவித்த தேவனுடைய மனுஷனைக் குறித்துக் கேள்விப்பட்ட கிழவனான தீர்க்கதரிசி, தேவனுடைய மனுஷனைத் தொடர்ந்து போய், 'உம்மைப் போல நானும் தீர்க்கதரிசிதான்| அவன் அப்பம் புசித்துத் தண்ணீர் குடிக்க, நீ அவனைத் திருப்பி, உன் வீட்டுக்கு அழைத்துக்கொண்டுவா என்று ஒரு தூதன் கர்த்தருடைய வார்த்தையாக என்னோடே சொன்னான்' என்று அவனிடத்தில் பொய் சொன்னபோது (1இராஜா. 13:18), அதனை நம்பி கிழவனான தீர்க்கதரிசியின் வீட்டிலே அப்பம் புசித்துத் தண்ணீர் குடித்ததினால் (1இராஜா. 13:19), தேவனுடைய மனுஷன் வழியில் சிங்கத்தினால் கொன்றுபோடப்பட்டானே! (1இராஜா. 13:24) தேவனுடைய செய்தியை அறிவிக்கும் நம்முடைய வாழ்க்கையில் இத்தகைய மனிதர்கள் நுழைந்துவிடாதபடிக்கு கவனமாயிருப்போம். தேவன் பயன்படுத்தும் பாத்திரங்களான நாம் நம்முடைய ஆத்துமாக்களை பத்திரமாகப் பாதுகாத்துக்கொள்ளுவோம். தேவன் நம்மோடு பேசின வார்த்தைகளை, மனிதர்களுக்காக மாற்றாதபடி கர்த்தர் நம்மைக் காப்பாராக!

இத்தகைய மக்கள், ஆவிக்குரியவர்களைப் போல பேசினாலும், ஆத்துமாவுக்கு இதமான வார்த்தைகளை உதிர்த்தாலும், அவர்களது உள்ளமோ நமது வீழ்ச்சியிலேயே நோக்கமாயிருக்கும். இதனை அறியாமலும் மற்றும் அவர்களால் உண்டாகவிருக்கும் ஆபத்துகளை உணராமலும் அத்தகைய மனிதர்களோடு உறவாடிக்கொண்டிருப்போரின் வாழ்க்கை வீழ்ச்சியினைச் சந்திக்கக்கூடுமே! இத்தகையோரின் உறவு, 'தொடர்பு' என்று தொடங்கினாலும், ஆவிக்குரிய வாழ்க்கையின் மேல் கொஞ்சம் கொஞ்சமாகப் படர்ந்து, இறுதியில் நெடுநாள் விளைந்த நெற்கதிராக, அறுவடைக்குத் தயாராக நிற்கும்  ஆத்துமாவைக்கூட ஆண்டவரிடமிருந்து தூ}ரப்படுத்திவிடக்கூடும்| அத்துடன், ஆவிக்குரிய வாழ்க்கையையும் அடையாளமின்றி அழித்துவிடவும்கூடும். 

அதுமாத்திரமல்ல, மற்றவர்களைக் குறித்த பாராட்டுதலுக்கு, நமது உள்ளம் பகையைப் பிரதிபலிக்காதபடிக்கும் காத்துக்கொள்வதும் அவசியம். கோலியாத் இஸ்ரவேலை நிந்தித்ததை தாவீது கேட்டபோது, 'இவனிமித்தம் ஒருவனுடைய இருதயமும் கலங்கவேண்டியதில்லை| உம்முடைய அடியானாகிய நான் போய், இந்தப் பெலிஸ்தனோடே யுத்தம்பண்ணுவேன்' (1சாமு. 17:32) என்று சொல்லி, கோலியாத்தின் மீது வெற்றியும் பெறுகின்றான். கோலியாத் வீழ்த்தப்பட்டுவிட்டான் என்ற நற்செய்தியினால் ஜனங்கள் மகிழ்ந்துகொண்டிருந்தபோது, 'சவுல் கொன்றது ஆயிரம், தாவீது கொன்றது பதினாயிரம்' (1சாமு. 18:7) என்ற ஸ்திரீகளின் பாட்டு ராஜாவாகிய சவுலுக்கு துர்ச்செய்தியாயிருந்தது. அவன் மிகுந்த எரிச்சலடைந்து, தாவீதுக்குப் பதினாயிரம், எனக்கோ ஆயிரம் கொடுத்தார்கள்| இன்னும் ராஜாங்கம் மாத்திரம் அவனுக்குக் குறைவாயிருக்கிறது என்று சொல்லி, அந்நாள் முதற்கொண்டு சவுல் தாவீதைக் காய்மகாரமாய்ப் பார்த்தான் (1சாமு. 18:8,9)| மேலும், தனது அரியணையே தாவீதினிடத்தில் பறிபோய்விடுமோ என்றும், தனது குமாரனுக்கு ராஜாங்கம் நிலைப்படாமற்போய்விடுமோ என்றும் (1சாமு. 20:31) பயப்படத் தொடங்கினான் சவுல்.     

'கோலியாத்தை வீழ்த்தியவன்' என்று அறிந்திருந்தும், 'தனக்குப் பிரயோஜனமானவன்' என்று உணர்ந்திருந்தும், 'தன்னால் செய்யமுடியாததை செய்து முடித்தவன்' என்று தெரிந்திருந்தும், அரியணையை விட்டுக்கொடுக்க சவுல் ஆயத்தமாக இல்லை! தாவீதை வீழ்த்தவே வகைதேடிக்கொண்டிருந்தான் சவுல். தனது மகளை தாவீதுக்கு கொடுக்கும் முன், 'ராஜா பரிசத்தை விரும்பாமல், பெலிஸ்தரின் நூறு நுனித்தோல்களினால் ராஜாவின் சத்துருக்களிடத்தில் பழிவாங்க விருப்பமாயிருக்கிறார் என்று தாவீதுக்குச் சொல்லுங்கள்' என்று சவுல் சொல்லியனுப்பினது, மீண்டும் தாவீதின் வீரத்தை பெலிஸ்தியர்களிடத்தில் நிரூபிக்க அல்ல| மாறாக, அவனை பெலிஸ்தியர்களின் கைகளில் விழவைக்கவே! 'தாவீதை பெலிஸ்தரின் கையினால் விழப்பண்ணுவதே சவுலுடைய எண்ணமாயிருந்தது' (1சாமு. 18:25) என்றல்லவா சவுலின் சிந்தையைக் குறித்து வேதம் சித்தரிக்கின்றது. 'என்னை விசுவாசிக்கிறவன் நான் செய்கிற கிரியைகளைத் தானும் செய்வான், இவைகளைப்பார்க்கிலும் பெரிய கிரியைகளையும் செய்வான்' (யோவான் 14:12) என்ற இயேசுவின் குணத்திற்கு சவுலின் மனம் எத்தனை விரோதமானது?    

இயேசு கிறிஸ்துவின் பிறப்பின் நாட்களிலும், சத்துரு இந்த காரியத்தை திட்டமிட்டுச் செய்ததை நம்மால் அறிந்துகொள்ள முடிகின்றதே. மேய்ப்பர்கள் வயல்வெளியில் தங்கி, இராத்திரியிலே தங்கள் மந்தையைக் காத்துக்கொண்டிருந்தபோது, ஒருபுறம் நற்செய்தியாக இயேசு கிறிஸ்து பிறந்திருக்க, 'பயப்படாதிருங்கள்| இதோ, எல்லா ஜனத்துக்கும் மிகுந்த சந்தோஷத்தை உண்டாக்கும் நற்செய்தியை உங்களுக்கு அறிவிக்கிறேன். இன்று கர்த்தராகிய கிறிஸ்து என்னும் இரட்சகர் உங்களுக்குத் தாவீதின் ஊரிலே பிறந்திருக்கிறார்' (லூக். 2:10,11) என்ற நற்செய்தி அறிவிக்கப்பட்டுக்கொண்டிருக்க, மறுபுறத்திலோ ஏரோது தான் சாஸ்திரிகளால் வஞ்சிக்கப்பட்டதைக் கண்டு, மிகுந்த கோபமடைந்து, ஆட்களை அனுப்பி, தான் சாஸ்திரிகளிடத்தில் திட்டமாய் விசாரித்த காலத்தின்படியே, பெத்லகேமிலும் அதின் சகல எல்லைகளிலுமிருந்த இரண்டு வயதுக்குட்பட்ட எல்லா ஆண்பிள்ளைகளையும் கொலைசெய்தான் (மத். 2:16) என்று வாசிக்கின்றோமே. ஒருபுறம் ஆனந்தத்தின் சத்தம், மறுபுறமோ அழுகையின் குரல். நற்செய்தி வரும் நாட்களில், துர்ச்செய்தியை உண்டாக்க சத்துரு எத்தனையாய் முயற்சிக்கிறான் என்பதை இதன் மூலம் நாம் அறிந்துகொள்ள முடிகின்றதல்லவா. 

அதுமாத்திரமல்ல, இயேசு கிறிஸ்து மரியாளின் கர்ப்பத்தில் இருந்தபோது, உலகமெங்கும் குடிமதிப்பு எழுதப்படவேண்டுமென்று அகுஸ்துராயனால் கட்டளை பிறந்தபோது (லூக். 2:1), யோசேப்பும், தான் தாவீதின் வம்சத்தானும் குடும்பத்தானுமாயிருந்தபடியினாலே, தனக்கு மனைவியாக நியமிக்கப்பட்டுக் கர்ப்பவதியான மரியாளுடனே குடிமதிப்பெழுதப்படும்படி, கலிலேயா நாட்டிலுள்ள நாசரேத்தூரிலிருந்து யூதேயா நாட்டிலுள்ள பெத்லகேம் என்னும் தாவீதின் ஊருக்குப் போகவேண்டியதாயிற்று (லூக். 2:4,5) என்றும், அதனைத் தொடர்ந்து, ஏரோது, சாஸ்திரிகளை இரகசியமாய் அழைத்து, நட்சத்திரம் காணப்பட்ட காலத்தைக்குறித்து அவர்களிடத்தில் திட்டமாய் விசாரித்து: நீங்கள் போய், பிள்ளையைக்குறித்துத் திட்டமாய் விசாரியுங்கள்| நீங்கள் அதைக் கண்டபின்பு, நானும் வந்து அதைப் பணிந்துகொள்ளும்படி எனக்கு அறிவியுங்கள் என்று சொல்லி, அவர்களைப் பெத்லகேமுக்கு அனுப்பினான் என்றும் (மத். 2:7,8), தொடர்ந்து, கர்த்தருடைய தூதன் சொப்பனத்தில் யோசேப்புக்குக் காணப்பட்டு: ஏரோது பிள்ளையைக் கொலைசெய்யத் தேடுவான்| ஆதலால் நீ எழுந்து, பிள்ளையையும் அதின் தாயையும் கூட்டிக்கொண்டு எகிப்துக்கு ஓடிப்போய், நான் உனக்குச் சொல்லும்வரைக்கும் அங்கே இரு என்றும் சொல்லுகின்றானே (மத். 2:13). இந்த வசனங்கள் நமக்குச் சொல்லும் செய்திகள் அனைத்தும் எல்லா ஜனத்துக்கும் மிகுந்த சந்தோஷத்தை உண்டாக்கும் நற்செய்தியை (லூக். 2:10), துக்கமான செய்தியாக மாற்ற சத்துரு எத்தனையாக முயற்சித்தான் என்பதைத்தானே வெளிக்காட்டுகின்றன.

தனியொரு மனிதனாக எகிப்து தேசத்திற்குக் கொண்டுபோகப்பட்டவன் யோசேப்பு (ஆதி. 39:1)  என் வருத்தம் யாவையும் என் தகப்பனுடைய குடும்பம் அனைத்தையும் நான் மறக்கும்படி தேவன் பண்ணினார் என்று சொல்லி, மூத்தவனுக்கு மனாசே என்று பேரிட்டான் (ஆதி. 41:51) என்றே எகிப்திலிருந்த யோசேப்பைக் குறித்து வாசிக்கின்றோம்| ஆனால், தேவனோ, அவன் இருக்கும் இடத்திற்கு தகப்பனையும் மற்றும் தகப்பனுடைய குடும்பத்தையும் அழைத்துக்கொண்டுவந்தார். அதுவரை, பஞ்ச காலத்தில் எகிப்தின் மக்களை எப்படி காப்பாற்றுவது என்று சிந்தித்துகொண்டிருந்த யோசேப்பு, எகிப்தை காப்பாற்ற பார்வோனுக்கு ஆலோசனை கொடுத்துக்கொண்டிருந்த யோசேப்பு, தன் சகோதரர்களைக் கண்டதும், 'என்னை இவ்விடத்தில் வரும்படி விற்றுப்போட்டதினால், நீங்கள் சஞ்சலப்படவேண்டாம்| அது உங்களுக்கு விசனமாயிருக்கவும் வேண்டாம்| ஜீவரட்சணை செய்யும்படிக்குத் தேவன் என்னை உங்களுக்கு முன்னே அனுப்பினார் என்றும், பூமியிலே உங்கள் வம்சம் ஒழியாமலிருக்க உங்களை ஆதரிக்கிறதற்காகவும், பெரிய ரட்சிப்பினால் உங்களை உயிரோடே காப்பதற்காகவும் தேவன் என்னை உங்களுக்கு முன்னமே அனுப்பினார்' என்றும் சொல்லுகின்றான் (ஆதி. 45:5,7). அது மாத்திரமல்ல, நீங்கள் சீக்கிரமாய் என் தகப்பனிடத்தில் போய்: தேவன் என்னை எகிப்து தேசம் முழுவதுக்கும் அதிபதியாக வைத்தார்| என்னிடத்தில் வாரும், தாமதிக்கவேண்டாம். நீரும், உம்முடைய பிள்ளைகளும், அவர்களுடைய பிள்ளைகளும், உம்முடைய ஆடுமாடுகளோடும் உமக்கு உண்டாயிருக்கிற யாவற்றோடும் கோசேன் நாட்டில் வாசம்பண்ணி என் சமீபத்தில் இருக்கலாம் (ஆதி. 45:9,10) என்றும் தன் சகோதரர்களிடத்தில் சொல்லியனுப்புகின்றான். யோசேப்பின் வாழ்க்கையில் தகப்பனுடைய வீட்டை விட்டுப் பிரிந்து வந்த துக்கமான செய்தி, நற்செய்தியாக மாறியதே! யோசேப்பு எகிப்திலே உயர்த்தப்பட்டிருந்த நாட்களில், யோசேப்பின் சகோதரர் வந்தார்கள் என்கிற சமாசாரம் பார்வோன் அரமனையில் பிரசித்தமானபோது, பார்வோனும் அவனுடைய ஊழியக்காரரும் சந்தோஷம் அடைந்தார்கள் (ஆதி.  45:16) என்றே யோசேப்பின் குடும்பம் எகிப்திற்குச் சென்றபோது அங்கு கிடைத்த வரவேற்பைக் குறித்து வேதத்தில் வாசிக்கின்றோம் நாம். 

என்றபோதிலும், யோசேப்பின் மரணத்திற்குப் பின் அந்த சந்தோஷம் கொஞ்சம் கொஞ்சமாக மங்கவும் மறையவும் தொடங்கியது| யோசேப்பை அறியாத வேறொரு ராஜன் எகிப்தில் தோன்றினபோதோ, அது முற்றிலும் முடிவுக்கு வந்தது. இஸ்ரவேல் புத்திரர் மிகுதியும் பலுகி, ஏராளமாய்ப் பெருகிப் பலத்திருந்தார்கள்| தேசம் அவர்களால் நிறைந்தது (யாத். 1:7) என்ற செய்தியை, எகிப்திலே தோன்றிய யோசேப்பை அறியாத புதிய ராஜன் அறிந்தபோது, எகிப்தியர் இஸ்ரவேல் புத்திரரைக் கொடுமையாய் வேலைவாங்கினார்கள் என்றும், சாந்தும் செங்கலுமாகிய இவைகளைச் செய்யும் வேலையினாலும், வயலில் செய்யும் சகலவித வேலையினாலும், அவர்களுக்கு அவர்கள் ஜீவனையும் கசப்பாக்கினார்கள்| அவர்களைக்கொண்டு செய்வித்த மற்ற எல்லா வேலைகளிலும், அவர்களைக் கொடுமையாய் நடத்தினார்கள் (யாத். 1:13,14) என்று வாசிக்கின்றோமே! தேவ ஜனத்தின் வாழ்க்கையைக் கசப்பாக்க இன்றைய நாட்களிலும் சத்துரு எடுக்கும் முயற்சிகள்தான் எத்தனை! எத்தனை!!

'இதோ, இஸ்ரவேல் புத்திரராகிய ஜனங்கள் நம்மிலும் ஏராளமானவர்களும், பலத்தவர்களுமாய் இருக்கிறார்கள். அவர்கள் பெருகாதபடிக்கும், ஒரு யுத்தம் உண்டானால், அவர்களும் நம்முடைய பகைஞரோடே கூடி, நமக்கு விரோதமாக யுத்தம்பண்ணி, தேசத்தைவிட்டுப் புறப்பட்டுப்போகாதபடிக்கும், நாம் அவர்களைக்குறித்து ஒரு உபாயம் பண்ணவேண்டும்' (யாத். 1:10) என்றே சொல்லுகின்றான் புதிய ராஜன். 'நம்மிலும் ஏராளமானவர்கள்' என்ற கணிப்பும் கணக்கெடுப்பும் இஸ்ரவேல் ஜனங்களை அழித்துவிடவேண்டும் என்றே எகிப்தின் புதிய ராஜனைத் தூண்டியது. 'சத்துருவின் தொகையிடுதலுக்குப் பின்னால், தேவ ஜனத்தின் அழிவு திட்டமிடப்பட்டிருக்கின்றது' என்பது இதன் மூலம் நாம்; அறிந்துகொள்ளவேண்டிய செய்தியல்லவா! இஸ்ரவேல் யூதா என்பவர்களை இலக்கம் பார்' என்று அவர்களுக்கு விரோதமாய்ச் சொல்லுகிறதற்கு தாவீது ஏவப்பட்டபோது (2சாமு. 24:1), சேனாதிபதியாகிய யோவாபின் வார்த்தைகளையும் கேளாமல், ராஜா என்ற ஸ்தானத்தில் தாவீது ஆணையிட்டபோது, அது ஜனங்களிடையே அழிவைத்தானே கொண்டுவந்தது. நான் இப்படிச் செய்ததினால் பெரிய பாவஞ்செய்தேன்| இப்போதும் ஆண்டவரே, உமது அடியானின் அக்கிரமத்தை நீக்கிவிடும்| நான் மகா புத்தியீனமாய்ச் செய்தேன் (2 சாமு. 24:10) என்று தாவீதை புலம்பவும் செய்ததே. தாவீது செய்த அந்த பாவத்தினிமித்தம், கர்த்தர் கொள்ளைநோயை வரப்பண்ணினார்| அதினால் தாண்முதல் பெயெர்செபா மட்டுமுள்ள ஜனங்களில் எழுபதினாயிரம்பேர் செத்துப்போனார்களே! (2 சாமு. 24:15) 

பிரியமானவர்களே! இக்கடைசி காலத்தில், கடினமான நாட்களில், நற்செய்தியைச் சுமந்து செல்லும் நாம் இத்தகைய சத்துருவின் தந்திரங்களில் சிக்கிக்கொள்ளாதபடிக்கு எச்சரிக்கையாயிருக்கவும், எவ்விதத்திலும் துர்ச்செய்திகளுக்கு இடங்கொடுத்துவிடாமல் தொடர்ந்து முன்னேறிச் செல்லவும்  கர்த்தர் உதவிசெய்வாராக| கிருபை உடனிருக்கட்டும்!  


தேவனுக்கேற்ற துக்கங்களைச் சுமப்பதே

தேவப் பணிக்கான ஓட்டத்தின் தொடக்கம்

அழைத்தவர் அழைப்பிலே அசையாது நிற்கவும்

அதுவே ஆரம்பம் அதுவே ஆரம்பம் 

நற்செய்தியைக் கூறும் மனிதர்களாம் நம்மை

துர்ச்செய்தியைக் கூறி சத்துரு எதிர்ப்பினும் - அவன்

சத்தத்திற்குச் செவியைக் சாய்க்காதிருந்துவிட்டால்

சத்தியத்திற்கே வெற்றி சத்தியத்திற்கே வெற்றி


மாம்சீகக் கண்களின் காட்சி - நம்மை 

துர்ச்செய்தியின் தூதர்களாகிவிடக்கூடாது 

உடனிருப்போர் உயர்த்தப்படும்போதும் - உள்ளத்தில்

பகை துளிர்விடக்கூடாது பகை துளிர்விடக்கூடாது


தலைமுறையை அழிக்கும் சத்துருவின் தந்திரம்

தரிசனம் உடையோரே அதை உடைக்கும் எந்திரம் 

இடைமறிக்கும் எதற்கும் விடையுண்டு அவரிடம்

தொடரட்டும் நம் பயணம் தொடரட்டும் நம் பயணம்


in His harvest

P.  J. கிருபாகரன்